Yerai Martin: "Igandean partida ona egiteko ahalmena dugu"

Denboraldiko lehen derbia Ipuruan jokatzeko gogoz dago emakumezkoen lehen taldea, eta honela azaldu du Yerai Martinek igandeko partidaren atarikoan: "Derbiak beti dira politak eta bereziak, aurredenboraldian ere haien aurka jokatzen dugu eta ezagutzen ditugu, badakigu zeintzuk diren haien birtute eta ahuleziak".

 

"Arantza dugu derbiekin, aurreko denboraldiak guztiak galdu baigenituen", adierazi du entrenatzaileak. Baina, batez ere etxean, oso partida konpletoak egin zituzten eta hori da igandeko helburua. Talde indartsua da Athletic eta ez ditu gauzak erraz jarriko derbi honetan. Horregatik, asteburuan "oso partida konpletoa egin beharko dugu zerbait positiboa ateratzeko, ahalmena dugu horretarako baina xehetasunei adi egon beharko gara". Gakoa haientzat "inkordio" bat izatea izango da, eta aukera dagonean min egiten saiatzea.