Sheila Elorza: "Taldea pozik dago, ilusioz eta larunbateko partida jokatzeko gogotsu gaude”.
"Sentsazioak onak dira eta bide honetatik jarraitu behar dugu puntuak lortzeko", adierazi du kapitain armaginak
Sheila Elorza kapitain armaginak adierazi duenez, “taldea pozik dago, ilusioz eta larunbateko partida jokatzeko gogotsu gaude”. Armaginek denoraldiko lehen derbia jokatuko dute larunbatean Athletic Cluben aurka Unben 11:00tan.
Klubeko hebabide ofizialei egindako adierazpenetan, Sheila Elorzak partida gogorra izango dela uste du.
Ligako estreinaldia
“Egia da lehenengo partidua irabazi genuela eta bigarrena galdu baina sentsazioak onak dira eta uste dut horrekin geratu behar garela”. Villarrealen aurkako partidaren inguruan, “nahiz eta galdu, egin genuen partidarekin geratu behar gara eta bide honetatik jarraitu behar dugu puntuak lortzeko”.
Derbia
“Taldea pozik dago, ilusioz eta larunbateko partida jokatzeko gogotsu gaude”.
“Partida gogorra izango da, bi taldeek elkar ezagutzen dute baina etxean jokatzen dugu eta hori ikusi egin behar da”.
Zaleak Unben
“Gure zaleak Unben egoteak puntu extra bat emango digu eta momentu zailetan aurrera jarraitzeko indarra ere emango digu".