SD Eibarrek webgune berria ireki du txineraz
Klub armaginak bost hizkuntzatan dauka presentzia sarean
SD Eibarrek webgune berria ireki du txineraz, eta Klubaren webgunean (www.sdeibar.com) dagokion fitxan sakatuz edo www.eibar.com.cn helbidearen bitartez sartu daiteke bertan.
Bertsio berri honekin, Klubak bost hizkuntzatan dauka presentzia sarean (euskara, gaztelera, ingelera, japoniera eta txinera).
Aipatutako domeinuaz gain, non historia, instalakuntza eta Klubaren jardueren berri jakin daitekeen, SD Eibarrek ‘We Chat’ sare sozialean kontua ireki du eta berehala ‘Weibo’ sare sozialean ere, Txinako ezagunetakoa, kontua irekiko du.
Ekimen hau SD Eibarrek Klubaren internazionalizazioari begira egiten ari den bokazioaren inguruan ulertzen da, futbolaren munduan suspertzen ari diren merkatuetan, batez ere Asian.