SD Eibar eta genero-berdintasuna futbol profesionalean
SD Eibarrek Emakumearen Nazioarteko Egunarekin (martxoak 8) bat egiten du eta eremu guztietan genero-berdintasunarekiko duen konpromezua adierazi nahi du.
SD Eibarrek Emakumearen Nazioarteko Egunarekin (martxoak 8) bat egiten du eta eremu guztietan genero-berdintasunarekiko duen konpromezua adierazi nahi du, "Argi daukagu emakumeen presentzia zabalagoarekin futbolak irabazi egiten duela". Horregatik, Klubak aintzat hartu nahi du urteko 365 egunetan zehar emakumeek bertan egiten duten lana: Jokalariak, sukaldariak, finantza departamentukoak, komunikazio eta marketing-ean dihardutenak eta Administrazio-kontseiluko emakumeak.
Ildo honetan, Sociedad Deportiva Eibarrek #MASmujeresMASfutbol eta #emakumeGEHIAGOfutbolGEHIAGO kanpainak aurkezten ditu, futbol profesionalean emakumeek duten rol aktiboa aldarrikatzeko asmoz. Kanpaina hauen amaieran, Emakunde eta Andretxearen kolaborazioarekin hitzaldi-mahai biribil bat gauzatuko da. Hitzaldia sona handiko emakumezko kirol-kazetari batek gidatuko du, non zenbait emakume elkarrizketatuko dituen, hala nola, jokalari ohi baten emaztea, gaur egungo jokalari bat, jokalari eta entrenatzaile den bat eta Klubean diharduen mediku bat. Futbol munduan genero-berdintasunaren eremuan eskuratu diren lorpenen inguruan eta oraindik falta direnei buruz hitz egingo da.
Emakume gehiago, futbol gehiago.