![](https://statics-maker.llt-services.com/eib/images/2022/12/05/xlarge/a176e414-8b66-400f-aa81-b227432e5cb8.png)
2015-2017 Plan Estrategikoa eztabaidatzeko, datorren larunbatean parte-hartze prozesu ireki bat jarriko du martxan SD Eibarrek
Saioa datorren larunbatean, hilak 14, burutuko da. 10:00etatik 13:00etara izango da Eibarko Udaletxearen barne-patioan, duen kutsu demokratikoagatik hautatua izan den lekua.
Ekimen berri hau, gardentasuna eta parte-hartze demokratikoaren alde Klubak dituen helburuak betetze aldera sortua, hiritar guztiei irekia egongo da. Jardunaldi bakar batean, Klubak bost ardatz estrategiko jarriko ditu mahai gainean, eztabaida sortu eta ekarpenak jaso asmoz; Kirol Eredua, Garapen Ekonomiko eta Sozialaren Eragile, Kudeaketa Eredu Aurreratua, Eibar Marka eta Ipurua Tallarra.