Garagarza: "Plantilla orekatua dugu"
Kirol Zuzendariak neguko merkatua "positiboa" izan dela adierazi du
Fran Garagarzak agerraldia eskaini du gaur Ipuruan neguko merkatuaren balantzea egiteko. Bere esanetan, fitxaketen merkatua "positiboa" izan da klubarentzat eta "Taldea orekatuta dago".
Garagarzak esan duenez, "25 jokalariko taldea genuen eta ez zen egoera erosoa", eta, beraz, "gure lehentasuna irteerak egotea zen".
Covid-ak baldintzatutako leiho honetan, Eibarrek fitxaketa bat egin du (Aleix Garcia, Dinamo Bukarestetik libre heldu dena) eta hiru irteera egon dira: Jose Martinez Dallasera joan da transferituta eta Rober Olabe eta Damian Kadzior utzita atera dira Tondela eta Alanyaspor taldeetara hurrenez hurren”.
"23 jokalarirekin gelditu gara, egunerokotasunera gehiago egokitzen dena eta entrenatzaileari eroso egoten lagunduko diona".
Garagarzak azpimarratu duenez, Lehen Mailan 32 operazio itxi dira, iazko erdia merkatu horretan. "Ia mugimendu guztiak maileguetan izan dira, jokalari batzuk libre, Eibarren kasuan bezala, baina oso erosketa gutxi egon dira".
"Errealitatea ikusten duzuena da, zaila izaten ari da, futbolaren industriak ondorio nabarmenak jasaten ari da. Horri LaLigaren kontrol ekonomikoa gehitzen badiogu, egoera zailean geratu gara, beste urte batzuetan mugitzen ginen bezala mugitu ahal izateko".
"Aleix Garciaren etorrera udako merkatuan baloratzen aritu ginen. Hazteko margen garrantzitsua duen jokalaria da, adin onekoa, eta uste genuen aukera ona zela klubarentzat. Denboraldi amaierara arteko kontratua du eta Eibarrek alde bakarretik du harekin jarraitzeko aukera, Eibarren egon behar duela ulertzen badu".
"Jokalari kopurua orekatuta dago. Entrenatzaileak aukera desberdinak ditu posizio eta sistema desberdinetan jokatzeko. Lasai nago, taldeak badaki zer nahi duen eta taldearen zuzendaritza ondo kontrolatuta dago. Coteren itzulera albiste oso ona da, entrenatzaileak jokalari berri bat izango du bere esanetara.
Garagarzak aitortu duenez, "aukera ezberdinen bila aritu gara erasoko posizioei begira", baina "ez dugu genuena hobetuko lukeen ezer aurkitu”.
"Ez genuen zerbait egin nahi kopurua handitzeko soilik. Zerbait egitekotan, eraso-posizioetan egin behar genuen, geneukana hobetzeko eta gure eskema ekonomikoan sartzeko. Merkatuari adi egon gara baina berdin mantentzeko erabakia hartu dugu".
Kontratua ekainean amaitzen duten jokalarien inguruan, eta gaineratu duenez, "Aspalditik daude elkarrizketa irekiak kontratua amaitzen duten hainbat jokalarirekin, eta pausoak ematen ari gara. Klubean jarraitzeko garrantzitsuak direnak gurekin nahi ditugu”.
Taldearen sailkapen egoerari buruz, "Sailkapena oso estu" dagoela esan du, "Hamar talde sei puntutan gaude”.
"Ipuruako sentsazioak emaitzak baino hobeak izaten ari dira. Ipuruako zenbakiak txarrak dira eta gure salbazioa etxeko puntuak hobetzea da. Etxean taldea emaitzek diotena baino hobeto dago, baina errealitatea da emaitzak ez direla nahi genituenak. Etxetik kanpo zenbakiak onak dira. Taldeak beste aukera eta erregistro batzuk ditu".
Garagarzak "bikaina" eman dio emakumezkoen lehen taldearen ibilbideari, jaitsiera postuetatik hamar puntura. "Oso baikorrak gara helburua lortuko dugula pentsatzeko".
Merkatu horretan, emakumezkoen taldeak Texasko Unibertsitateko Jimena Lopez mexikarra sartu du, "Hobetu nahi genuen posizio bat indartzea lortu dugu”.
CD Vitoriari dagokionez, Tote jokalaria Algecirasera itzuli da, eta bere lekua Urko Colladok hartu du, Eibar Urkotik igota. "23 jokalari geratzen dira. Hobetzeko marjina oso handia da, batez ere erasoko alderdian".
Gazteen Ohorezko Mailako taldea ere aipatu du. “Sei jardunaldiren ostean, bigarren tokian dira”. Gainera, “hamaikakoan lehen urteko jokalariekin" ari dira.