Emakumezkoen taldearen garaipen garrantzitsua, laugarren postura hurbiltzen delarik
Armaginek 2-1 irabazi zioten Mulierri Unben
SD Eibarren Emakumezkoen Lehen Taldeak garaipen garrantzitsua lortu zuen Mulierren aurka Unben, eta Bigarren Mailako laugarren postura hurbiltzen da horrela.
Partidu hasieran erasoko jokoa erakutsi zuten nafarrek, baina berehala hartu zuten kontrola armaginek, nahiz eta lehen zatian aukera garbirik ez izan.
Bigarren zatia bai hasi zen aukera gehiagorekin. Lehenik Marrek langatik gora gutxigatik jaurtitako baloi batekin. Gero, Estik kornerra behartu eta Alonsok gol olinpikoa sartu zuen armaginak markagailuan aurretik jartzeko.
Minutu gutxira, Usoak baloia Estiri pasatu eta honen erdiraketa sarera bidali zuen Sarak.
Mulierrek arriskatu eta distantzia murriztea lortu zuen, eta orduan iritsi ziren nafarren minutu onenak, baloi bat langara bidaliz. Azken minutuan, Alaine atezain nafarraren aurrean jarri zen eta baloia kanpora bidali zuen gutxigatik. Horrela, partidua 2-1 amaitu zen eibartarren alde.