Eibarrek FC Barcelona-ren aurka galdu du lan defentsibo ona egin arren

Eibarrek hiru eguneko prestakuntza bakarrik eginda iritsi da aurreratutako 28. jardunaldi honetara. Momentu txarra Liga Fko talde sendoena etxean hartzeko, jada F Ligako irabazlea dena. Hori bai, Yerai Martinen taldea lasai iristen zen partida honetara, nahiz eta matematikoki permanentzia lortu ez duten, oso gertu baitaude, 30 punturekin eta 10. postuan. Euri geldiezin baten azpian, etxekoek area defendatzeko ideia argiekin atera dira gaurkoan, FC Barcelona menderaezin baten aurka.

16. minutuan Salma Paralluelok markagailua zabaltzen zuen haien alde, eta 20. eta 38. minutuetan hurrengo bi golak iritsi dira. Baina ezin izan dute jokalari armaginen moralarekin. Atsdenaldira 0-3ko markagailuarekin joanda ere, sendoago atera baitira bigarren zatian. Partida oso deserosoa bi taldeentzat, zelaia oso bustiarekin eta etengabeko irristadak eragiten zituena jokalarientzat, batez ere atsedenik gabe euri egin duen bigarren zati horretan.

Yerai Martin aldeketekin hasi da ordua bete denean Ipuruan. Campos, Amani eta Carla kendu ditu lehenengo, egon diren denboran dena eman eta gero. Honoka, Van Deursen eta Esperanza Pizarro atera dira zelaira, azken ordu erdi oso ona egin dutenak. Minutu batzuk geroago, Arene Altonaga kendu eta Zaïra atera du zelaira. Azken aldaketa bat ere egin du entrenatzaileak, Noko Puyigatik aldatuz.

Aurkariaren zelaira zenbaitetan eraso egiten ere arriskatu da Eibar azken zati horretan. Gainera, ez diete aukera asko utzi kanpokoei, baloi guztiak kanporatuz eta Noeliak ere geldiketa onak eginez. Nahiz eta laugarren gol bat lortu duten FC Barcelonako jokalariek bigarren zati honetan, Eibar oso sendo egon da defentsan azken parte horretan, honelako aurkarien aurka egin ohi duen moduan.

Orain, Yerai Martinen taldeak merezitako astebeteko atsedena izango du azkeneko bi partidak prestatzeko bueltatu baino lehen, hiru asteburu ligarik gabe baitatoz (ekainaren 9ra arte).